प्रतिश जिसीलाई गृह जिल्लामा नगद सहित सम्मान
लोकेन्द्र सुनार/प्यूठान जागरण डटकम
चैत्र, ९ । नेपाली राष्ट्रिय क्रिकेट टोलीका सदस्य प्रतिश जिसीलाई प्यूठानमा एक कार्यक्रमको आयोजना गरी सम्मान गरिएको छ । बिहीबार प्यूठानको झिमरुक गाउँपालिकाको सभाहलमा नगद सहित जिसीलाई सम्मान गरिएको छ ।बिश्वकप क्रिकेट लिग २ मा उत्कृष्ट प्रदर्शन गर्दै एक दिवशीय बिश्वकप छनोट खेलमा छनोट भएको अबसरमा जि.सीलाई झिमरुक गाउँपालिकाले नगद एक लाख रुपैया नगद सहित प्रमाण पत्रले सम्मान गरेको छ ।
प्यूठान जिल्लाबाट पहिलो पटक राष्ट्रिय टिमका सदस्य बनेका जि.सी.लाई हौसला स्वरुप गाउँपालिकाले सम्मान गरेको झिमरुक गाउँपालिकाका अध्यक्ष पित बहादुर महतराले जानकारी दिनुभयो । यसैबिच नेपाल राष्ट्रिय क्रिकेट टिमका सदस्य प्रतिश जि.सीलाई झिमरुक गाउँपालिकाका उपाध्यक्ष प्रमोद पोख्रेलले ब्यक्तिगत नगद ५० हजार रुपैया र दोसल्ला ओढाएर सम्मान गर्नु भएको थियो । साथै पोख्रेल फाउण्डेशनले समेत जि.सी.लाई ५० हजार रुपैया नगदले सम्मान गरेको छ ।