प्यूठानमा कार दुर्घटना हुँदा ८ जनाको मृत्यु
लोकेन्द्र सुनार, प्यूठान जागरण डटकम
२९ जेठ । प्युठानको स्वर्गद्वारी मन्दिर दर्शन गरेर दाङतर्फ फर्कँदै गरेको कार दुर्घटना हुँदा ८ जनाको मृत्यु भएको छ । लु १ च ६३४५ नम्बरको निजी कार स्वर्गद्वारी नगरपालिका –४ टाकुरामा सडकबाट ३० मिटर तल खसेर दुर्घटना भएको थियो ।
दुर्घटनामा मृत्यु हुनेहरु लमही नगरपालिका–५ का कार चालक ताराबहादुर कुमाल, लमही–७ वस्ने वर्ष ४० को गोविन्द शाह, उनकी श्रीमती वर्ष ३० की राधा नेपाली र छोरा वर्ष ९ को आदित्य शाह रहेको प्रहरीले जनाएको छ ।
प्रहरीका अनुसार तुल्सीपुर उपमहानगरपालिका–१५ बस्ने वर्ष ३५ की सरिता शर्मा पोख्रेल, उनका छोरा वर्ष १४ का विशाल पोख्रेल र वर्ष ९ का विकास पोख्रेलको पनि मृत्यु भएको छ ।
१ जना बालकको सनाखत हुन बाँकी रहेको जिल्ला प्रहरी कार्यालय प्युठानका प्रवक्ता प्रहरी निरीक्षक सुशील थापाले जानकारी दिनु भएको छ । दुर्घटनामा सवार सबै ८ जनाको मृत्यु भएको प्रहरीले बताएको छ ।