प्यूठानका २ यूवा अन्तराष्ट्रिय अवार्डबाट सम्मानित

लोकेन्द्र सुनार / प्यूठान जागरण डटकम
बैशाख ४ । प्यूठानका सन्तोष कुँवर र लिला बिश्वकर्मा अन्तराष्ट्रिय यूवा अवार्डबाट सम्मानित भएका छन् । गौमुखी गाउँपालिका घर भई हाल काठमान्डौ रही सामाजिक सेवामा कृयाशिल २ युवा ग्लोवल युथ पार्लमेन्टद्धारा थाइल्याण्डमा आयोजीत आइकन युथ अवार्ड २०२४–२०२५ बाट सम्मानित भएका हुन ।

सामाजिक सेवामा निरन्तर खटिनुका साथै यूवाहरुलाई सकारात्मक सन्देश र प्ररेणा प्रदान गरेको भनी तक्मा, प्रमाणपत्र र मेडलले सम्मान गरिएको छ । धेरै समाजसेवामा कृयाशिल यूवा सन्तोष कुवँर रोटरी कलंकीका अध्यक्ष हुनुहुन्छ । प्यूठानमा केही बिद्यालय निमार्ण देखी अन्य क्षेत्रमा सहयोग सहकार्य गर्नुभएको छ ।

पछिल्लो समय यूवाहरुमा बढ्दो नैरश्यतालाई सकारात्मक सोचमा बदल्न गाउँगाउँ देखी शहर सम्म यूवा जागरण सचेतना कार्यक्रम संचालन गर्न आफुलाई थप उर्जा प्रदान गरेको सम्मानित हुने सन्तोष कुँवरले प्यूठान जागरण डटकमलाई जानकारी दिनुएको छ ।

यस्तै यूवा व्यवसायीको रुपमा काठमान्डौमा स्थापित लिला बिश्वकर्माले यूवा लाई सशक्तिकरण गर्न केही संघ÷संस्थामा कृयाशिल हुनुहुन्छ । बैशाख २ गतेका दिन एक कार्यक्रमको आयोजना गरि नेपाल लगायत १५ देशका आइकन युवाहरुलाई यस अवार्ड प्रदान गरिएको थियो ।